Умайн унжилтийн 3 зэрэг байна.
1-р зэрэг: Умайн хүзүү үтрээний амсар хүртэл доошилсон.
2-р зэрэг: Умайн хүзүү үтрээнээс цухуйж гарсан.
3-р зэрэг: Умай бүрэн унжилт буюу бэлгийн амсраар бүрэн урваж гарсан.

Цистит гэж юу вэ?

Цистит гэдэг нь шээсний замын цочмог үрэвсэлт өвчинд багтдаг давсагны салст бүрхэвчийн үрэвсэл юм. Цистит үүсэхэд хүргэдэг олон шалтгаан бий.

Умайн салстын хэт хөвсийн зузаарах эмгэг нь умайн салстын холбогч эд ба булчирхайн эмгэг өөрчлөлт юм. Умайн салстын хэт зузаарал, умайн салстын өмөн эмэгтэйчүүдийн практикт олонтоо тохиолдох ба цаашид өсөх хандлагатай байна. Умайн салстын зузаарах эмгэг нь умайн их биеийн өмөн үүсэх урьтал өвчинд хамаарагдах бөгөөд өмөнд олонтаа шилжинэ.

Умайн хүзүүний сувгийн үрэвсэл нь стафилококк, стрептококк, гэдэсний савханцар, энтерококк, гонококк, вирус, кандид зэргээр үүсгэгдэнэ. Төрөлт болон үр хөндөлтийн үед үүссэн умайн хүзүүний урагдал, бэлэг эрхтний бусад хэсгийн өвчнүүд нь суваг үрэвсэх нөхцөлийг бүрдүүлнэ. Эмчлэхгүй удаан хугацаанд явбал умайн хүзүүний хорт хавдраар өвчлөх эрсдэл өндөртэй байдаг.

Энэ нь үтрээний салст давхаргын үрэвсэл юм. Эмэгтэй хүний үтрээнд хэвийн үед байдаг бичил биетнүүд хэт үржсэнээс нянгийн гаралтай үтрээний үрэвсэл үүсдэг.
Үүсгэгч нь: Стафилококк, стрептококк, гэдэсний савханцар мөн холимог халдвар болон трихомониад, мөөгөнцрөөр үүсгэгддэг. Үрэвсэл нь голомтолсон эсхүл нэлэнхүйд нь хамарсан байхаас гадна умайн хүзүүний үтрээн хэсэг, бэлгийн уруулыг хамарч үрэвсүүлэх тохиолдол цөөнгүй байдаг.